Unha das casas en estado de ruina que hay no barrio de San Lourenzo e Carme de Abaixo

O presidente da Asociación Veciñal Río Sarela, Jon Brokenbrow, volveu facer fincapé nas necesidadee e na importancia de que o Concello aporte “unha solución global” aos problemas do barrio. En sendas entrevistas nas emisoras de radio compostelanas Cadena Cope e Onda Cero (escoitar desde o minuto 20) Brokenbrow volveu insistir na necesidade de recoñecer a situación do barrio de San Lourenzo e Carme de Abaixo como un componente esencial do casco histórico de Santiago.

Preguntado sobre as intervencións pendentes de realizar na zona, o presidente de Río Sarela dixo que despois de reunirse co alcalde e cos concelleiros Jorge Duarte e Xan Duro, e tamén co líder da oposición Agustín Hernández, quedou claro que xa non se trata de “poñer parches” en San Lourenzo e no Carme de Abaixo. “Hay que traballar conxuntamente para encontrar unha resposta para os distintos problemas que afectan aos veciños e veciñas”.

Entre as actuacións integrais que reclama a Asociación de Veciños Río Sarela está unha solución aos problemas derivados do excesivo tráfico pola zona (falla de aparcamentos, exceso de velocidade) sobre todo pola presencia de dous colexios públicos. A substitución dos bolardos en poza de Bar por outros menos perigosos e acordos aos existentes no resto do casco histórico, a erradicación de focos de marxinalidade, con persoas conflictivas que xeran intranquilidade nos veciños, unha actuación para mellorar a carballeira e tomar medidas cos edificios e casas que están en estado de ruina no barrio, son algunas das peticións que se lles fixeron aos grupos políticos do Concello cos que se entrevistou a directiva.

Nesta liña, o presidetne puxo especial énfasis no feito de que a Asociación leva anos pedindo estas melloras a todas as diferentes corporacións municipais, “sen moito éxito ata o momento. Nestes intres, e despois das diferentes reunión que mantivemos dende que asumín a presidencia o pasado 4 de novembro, espero poder ver un cambio positivo dende Raxoi cara ao barrio de San Lourenzo e Carme de Abaixo”, indicou Jon Brokenbrow.

Podes escoitar a entrevista na Cadena Cope neste enlace

Podes escoltar a entrevista en Onda Cero, no programa ‘Compostela en la Onda’ neste enlace (a partir do minuto 20)

 

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies