Operarios de Naturgy procederon esta mañá retirar as torres eléctricas localizadas na Toxeira de San Lourenzo, que non se viñan usando e se atopaban moi deterioradas, o que supoñía un perigo para a veciñanza. Esta era una veña reclamación da Asociación de Veciños Río Sarela, que ten solicitado e denunciado en numerosas ocasións que se retiraran estes postes de ferro que no seu día puxo Fenosa (actualmente Naturgy) e que representaban un problema para a veciñanza.

A instancias do Concello, operarios da empresa eléctríca Naturgy (antes chamada Gas Natural Fenosa) retiraron ditas torretas, o que xera tranquilidade e satisfacción na veciñanza e na propia directiva da Asociación.

Esta foi unha das peticións que se lles fixo aos diferentes partidos políticos dende que a actual Xunta Directiva está a fronte da Asociación Río Sarela. Froito destas reivindicacións, o pasado mes de maio de 2018, o BNG presentaba unha moción no Concello na que instaba ao goberno local de Santiago a retirar estas torres eléctricas que Fenosa deixou de utilizar en San Lourenzo e que se foran deteriorando co paso do tempo.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies