Este ano ofrecemos cursos de formación lingüística para a integración social da poboación estranxeira non castelanfalante residente no Concello de Santiago, a cargo de María Vázquez Guisán:

O obxectivo destes cursos é ofrecer á poboación estranxeira non castelanfalante as ferramentas lingüísticas necesarias para a súa plena integración na cidade. O ensino do castelán terá un enfoque práctico e comunicativo, orientado ás necesidades da vida cotiá e facendo especial fincapé nas peculiaridades da cultura galega e compostelá. Neste senso, introduciranse tamén algunhas nocións básicas de galego co fin de fomentar o coñecemento das dúas linguas. María Vázquez Guisán é unha profesora cunha amplia experiencia de máis de vinte anos no ensino do castelán como lingua estranxeira en Estados Unidos, Francia e Santiago de Compostela, en todos os ámbitos educativos, dende o voluntariado con persoas inmigrantes ata a educación secundaria e universitaria. Para mais información, chama ó 657 689 433

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies