A Asociación Veciñal Río Sarela está a preparar a Festa de San Xoán que, ademais da tradicional cacharela, este ano contará con churrasco e boa música a partir das oito da tarde do vindeiro domingo, 23 de xuño.

A directiva da Asociación Río Sarela volve a contar este ano coa Pulpería García, que será a encargada de preparar o churrasco e os criollos para todos os asistentes a unha festa aberta a toda a veciñanza.

Os socios de Río Sarela que estean ao corrente no pago da cuota anual poderán recoller de forma gratuíta 2 tickets para poder degustar dúas racións de churrasco con chorizo criollo e pan, ademais de viño do país. Os socios deberán retirar os vales o mesmo día da festa no punto habilitado para elo na Carballeira de San Lourenzo.

Os prezos establecidos este ano, igual co ano pasado, son de 5 euros a ración de churrasco, que irá acompañada de medio chorizo criollo, pan e un vaso de viño do país. O choripán (chourizo con pan) custará 2 euros, e os refrescos e cervexas poderán beberse por 1 euro.

Durante a velada Jakobsland montará un posto de cervexa artesana, e tamén haberá comida vexetariana. Os da Porfía e o noso grupo de música tradicional serán os encargados de animar a velada, que contará coa queima da cacharela como outro dos atractivos desta festa típica.

 

 

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies